सर्व कामगारांनी संघटित झाले पाहिजे

July 22, 2015 - कामगारांच्या लेखणीतून - Tagged: मुंबई

माझं नाव मोहम्मद मेहताब आहे आणि मी मुंबईतील मण्डालातील एका स्टील कारखान्यामध्ये काम करणारा कामगार आहे. ज्या कारखान्या मध्ये मी काम करतो तिथे 25 ते 30 लोक काम करतात, ज्यापैकी 10 ते 12 महिला आहेत. इथे जवळच आणखी दोन कारखाने आहेत. या तीन कारखान्यांमध्ये मिळून जवळपास 350 कामगार काम करतात त्यात जवळपास 200 महिला कामगार आहेत. या कारखान्यांमध्ये स्टी‍ल पोलिशिंगचे अत्यंत धोकादायक काम चालते. स्टील लाइन मधली बहुतांश कामे तशीही अत्यंत धोकादायक असतात आणि कारखान्यांमध्ये दररोजच अपघात घडत असतात. अश्या अपघातानंतर कारखाना मालक कामगारांना किरकोळ उपचार उपलब्ध करतो, परंतु अशा अपघातांमध्ये त्यांना कधीही नुकसान भरपाई दिली जात नाही. अपघातानंतर कारखाना मालक कामगारांना कामावरून काढून सुद्धा टाकतात.
इथे कामाचे तास नक्की नाहित आणि दररोज 12-13 तासांपेक्षा जास्त काम करायला लागते. ज्या दिवशी लोडिंग-अनलोडिंगचे काम असते त्या दिवशी तर 16-16 तास काम करावे लागते. आठवड्या मध्ये 2-3 दिवस लोडिंग-अनलोडिंगचे काम करावे लागते. सध्याची महागाई बघता मुंबई सारख्या शहरामध्ये आम्हाला अत्यंत कमी मोबदला दिला जातो. एकही दिवस सुट्टी न घेता घाम गाळून सुद्धा महीन्या शेवटी 8-9 हजार पेक्षा जास्त कमाई होत नाही. त्यामुळे आम्ही इच्छाअसून सुद्धा आमच्या मुलांना चांगल्या शाळांमध्ये पाठवू शकत नाहीत. इथे कुठल्याच कारखान्याचे रजिस्ट्रेशन झालेले नाही आणि श्रम कायद्यांविषयी कुठल्याही कामगाराला काहीच माहिती नाही. बहुतांश कामगारांना कारखान्यांमध्येच रहावे लागते कारण मुंबईमध्ये रहायला घर मिळणे अत्यंत अवघड आहे. अश्या कामगारांचे तर जास्ताच शोषण होते. आम्हाला शुक्रवारी सुट्टी मिळते पण त्यांना तर दररोज काम करावे लागते.
यापूर्वी मी अलाहाबाद मध्ये रहायचो आणि खताच्या कारखान्या मध्ये काम करायचो. मी अजूनही बऱ्याच शहरांमध्ये काम केले आहे परंतु सर्वच ठिकाणी कामगारांची परिस्थिती सारखीच आहे. माझ्या मते आपण सर्व कामगारांनी संघटित झाले पाहिजे आणि आपल्या हक्कांसाठी संघर्ष केला पाहिजे. आपण आपली मजबूत अशी यूनियन स्थापन करायला हवी, तेव्हांच आपण मालकांशी लढू शकू. आगोदरच अस्तित्वात असलेल्या मोठ्या मोठ्या यूनियन्स कामगारांच्या, हितांसाठी काहीही काम करत नाहीत. आपल्याला अशा यूनियन्स पासून दूर राहिले पाहिजे आणि आपली स्वत:ची क्रांतिकारी यूनियन बनवली पाहिजे.

कामगार बिगुल, ऑगस्‍ट २०१५

‘कामगार बिगुल’चे स्वरूप, उद्देश आणि जबाबदाऱ्या

‘कामगार बिगुल’ व्यापक कष्टकरी जनतेमध्ये क्रांतिकारी राजकीय शिक्षक व प्रचारकाची भूमिका पार पाडेल. हे वृत्तपत्र कामगारांमध्ये क्रांतिकारी वैज्ञानिक विचारधारेचा प्रचार करेल आणि खऱ्याखुऱ्या सर्वहारा संस्कृतीचा वाहक बनेल. हे वृत्तपत्र जगभरातील क्रांतींचा इतिहास आणि त्यांच्यातून घ्यावयाचे शिक्षण, आपल्या देशातील वर्ग संघर्ष, कामगार चळवळीचा इतिहास आणि त्यातून घ्यावयाचे धडे यांच्याशी कामगार वर्गाला परिचित करेल. त्याच बरोबर समस्त भांडवली अफवा-दुष्प्रचारांचा भांडाफोड करेल.

‘कामगार बिगुल’ भारतीय क्रांतीचे स्वरूप, मार्ग आणि समस्यांविषयी क्रांतिकारी कम्युनिस्टांमध्ये चालणाऱ्या विविध चर्चा नियमित रुपात छापेल आणि देश-विदेशातील राजकीय घटना आणि आर्थिक परिस्थितीचे योग्य विश्लेषण मांडून कामगार वर्गाला शिक्षित करण्याचे काम करेल.

‘कामगार बिगुल’ स्वतः अश्या चर्चा चालवेल जेणे करून कामगारांचे राजकीय शिक्षण होईल. तसेच त्यांच्यामध्ये योग्य लाइनची समज विकसित होऊन ते क्रांतिकारी पार्टी बनवण्याच्या प्रक्रियेमध्ये सहभागी होऊ शकतील आणि त्यातून व्यवहारामध्ये योग्य लाइनच्या सत्यापानचा आधार तयार होऊ शकेल.

‘कामगार बिगुल’ कामगार वर्गामध्ये राजकीय प्रचार आणि शिक्षणाचे कार्य चालवत सर्वहारा क्रांतीच्या ऐतिहासिक जबाबदारीशी त्याला परिचित करेल, त्याला आर्थिक संघर्षांसोबतच त्याच्या राजकीय अधिकारांसाठी लढायला शिकवेल, चार आणे-आठ आण्याच्या किरकोळ आर्थिक लढायांमध्ये कामगारांना अडकावून टाकणाऱ्या नकली कम्युनिस्टांपासून आणि भांडवली राजकीय पक्षांचे शेपूट असलेल्या किंवा व्यक्तिवादी-अराजकतावादी ट्रेड युनियन्स पासून सावध करत त्याला हरतऱ्हेच्या अर्थवाद व सुधारवादाविरुद्ध लढायला शिकवेल, त्याच बरोबर त्याच्यात सच्ची क्रांतिकारी चेतना निर्माण करेल. ‘कामगार बिगुल’ सर्वहारा वर्गाच्या फळ्यांमधून क्रांतीकारकांची भरती करण्याच्या कामात सहाय्यक बनेल.

‘कामगार बिगुल’ हे वृत्तपत्र कामगार वर्गाचा क्रांतिकारी शिक्षक, प्रचारक आणि आवाहनकर्ता ह्या भूमिकांबरोबरच क्रांतिकारी संघटनकर्ता व आंदोलनकर्त्याची भूमिका सुद्धा पार पाडेल.